中醫病系分類

註冊中醫分類

經歷詳述:
坐公司巴士睡過頭，於是好著急地衝落車，唔小心踏空，結果我整個人仆在地上，雙腳扭傷。
拐下拐下地行去看賴醫師，他細心地檢查，然後幫我輕按，他一邊按，我一邊大叫，皆因是超痛，但按完後，雙腳無咁腫，賴醫師隨即安排我照X光，確保是否痛骨折。
到了第二早上，護士打電話俾我，告知我無骨折，我立即放下心頭大石，繼續給賴醫師診治，大概睇咗4次，已好了接近痊癒狀態 。
除咗賴醫師幫助治療外，還感謝女醫師好細心地幫我按，用了不少時間，將我每條筋都按鬆。
簡評:
個人觀感- 仁心仁術、醫德高尚
經歷過程- 求診病人實在太多，等候需時
推介意見- 已視為本人的必然選擇

經歷詳述:
大年初一凌晨，我沖完涼喺浴缸出嚟差錯腳跣親，家人隨即陪我去急症室，好彩無骨折，醫生比咗啲止痛藥就叫我走。因為賴醫師要初十先開診，我唯有找其他跌打師傅幫我治療，但係效果不及賴醫師，睇完2次也無幫助。到了初十，我馬上預約見賴醫師，俾佢睇完果然真係唔同，隨即覺得條腰冇咁緊，鬆了好多，我一個星期會去睇兩次，我知道自己年紀不小，真係要睇返好佢，否則手尾長。經過今次之後，我不會找其他醫師，費事嘥錢又嘥時間。
簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 已視為本人的必然選擇

經歷詳述:
本人是一名退休人士，只靠退休金生活，因膝痛而找賴醫師求診，賴醫師細心地幫我檢查，並解答我的情況，原來是軟骨退化，只可以減輕惡化問題及痛楚，不可能完全根治。
賴醫師因明白我的經濟情況出現困難，非常體諒我，將診金收少了，並叫姑娘定時地打電話問候我的情況，及覆診。
賴醫師是一位不可多得、懂得體諒別人經濟狀況的醫生。
簡評:
個人觀感- 詳盡親切、耐心施診
經歷過程- 醫生會主動探索其病因及治療
推介意見- 已視為本人的必然選擇

經歷詳述:
工作關係經常拿重物，久而久知，頸及肩膊長期麻痺，疼痛，舉手也困難，由六月開始痛到訓唔到，已經看遍中醫針灸、物理治療，骨科，由有希望變成失望，最後到絕望。
因為疫情沒有好轉，反而更嚴重，有想過自殺，一了百了，家人從媒體訪問得知賴醫師，上網見他的評語不錯，幫我預約與賴醫師見面，他很有耐性地聽我的診歷，之後用他的一雙巧手，不停地找出我的致痛點，同其他醫師與眾不同，其他醫師只懂按痛點，而忽略其他位置。
我好感恩賴醫師運用半小時幫我治療，過程中是非常痛、非常痛、非常痛。現在，我已好轉好多，麻痺及疼痛已不強烈，減退很多，賴醫師解議我每週看2次，希望盡快醫好。
現在很少像賴醫師，有品德的醫師存在，大部分醫師都是以賺錢為主，多過醫人。
簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

經歷詳述:
我俾五十肩困擾咗兩年幾，搞到我瞓唔到覺，晚晚都瞓唔好，又容易痛醒，搞到我無精神返工。之前主要靠物理治療同脊醫治療，但情況沒有顯著改善，反而更嚴重。後來上網睇到賴醫師好評，決定預約試試，其實我好怕痛，諗咗好耐先預約。當日賴醫師好細心同好有耐性，經常同我講痛要出聲，可以調教力度，當然如果忍到痛就快啲好返，呢三十分鐘好似三個鐘咁耐。但係返到屋企感覺已經好好多，老婆叫我第二日再打去預約，睇咗幾次感覺比之前好好多。依家起碼伸高手唔會痛，半夜都冇再痛醒，工作都可以集中精神。如果我早啲揾賴醫師，就唔駛拖咁耐，病情都冇咁嚴重。
簡評:
個人觀感- 仁心仁術、醫德高尚
經歷過程- 醫生會主動探索其病因及治療
推介意見- 已視為本人的必然選擇

中醫師病系資料庫

睇中醫網 Chinesedoctor